سحر الاشعار

الموقع الرسمى لسحر الاشعار الشاعر عمرو الكاشف
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 أنا مش حر بقلم عمرو الكاشف

اذهب الى الأسفل 
كاتب الموضوعرسالة
Admin
Admin


المساهمات : 183
تاريخ التسجيل : 08/07/2013

مُساهمةموضوع: أنا مش حر بقلم عمرو الكاشف   الإثنين يوليو 08, 2013 8:46 am



أنا مش حر

يابلادى زقتينى المر

طول عمرك تخدى ولا بتدى

من صغرى وأنا شايف الذل

قالو فى مدرسنا لينا زمان

أنك يابلادى أم الكل

وأنتى أمان وأنتى حنان

وأما أكبر راح أكون أنا حر

أكتب وأشتكى كل الامى

وأحقق معظم أحلامى

أبكى فى حضنك من أيامى

وأنتى شيافنى وسمعانى

لكن أنتى حاطه حواجز

بينى وبينك أمر حكومى

قالو عنى مذنب جايز

خطفو سعادتى تركو همومى

وأنتى ياغاليه محلك سر

قتلو ولادك فى الميادين

وأنتى ولا لاقيه ولا حل

هتكو العرض وسرقوا الطين

نهشو وهبشو مالمساكين

حتى الدجالين يابلادى

اصبحوا هما رجال الدين

دين ومدين

مين خسران

والكسبان راح ياخد ايه

ده شغال لحساب البيه

وأنا سامع صوتك جوايا

متقوليش أنتى هتدينى أيه

قول هاتخدى منى أناأيه

مش فاضل منى تانى أديكى

غير حبه دم لارضيكى

قولت أشيلهم يوم تنادينى

تحتاجى لدمى يرويكى

سبتك ياأمى وقولت هسافر

يمكن أقابل حظ سعيد

ورسمت لسفرى فى خيالى

عمر جميل ورزق جديد

يمكن ألقى حد يقدر

أنى عنك أنتى بعيد

شوفت ولادك بره ياغاليه

من بحرى حتى لصعيد

من اسوان لبورسعيد

رغم أختلاف الالوان

بس أسمينا بره عبيد

شوفتى ولادك ياأم الدنيا

شربين جوه وبره المر

أياكى أسمع مره فى ثانيه

تقوليلى تانى أنى أنا حر

أنا مش حر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://amralkshef.yoo7.com
 
أنا مش حر بقلم عمرو الكاشف
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سحر الاشعار :: الفئة الأولى :: قصائد وطنيه-
انتقل الى: