قصيدة أحيه

Admin المساهمات : 183 تاريخ التسجيل : 08/07/2013

ياكاتب الشعر ليه القلم مكسور

خايف تقول الحق ولا بقيت طرطور

ماشى بتتسنكح ومسميها موضه

ولا السجون ترعب لما هيجى الدور

نادى بلاش بقى خوف قول الفقير تعبان

سيبك من التطبيل ماهو ده الاعلام

قول لاء مش هسكت عايز انا حقى

وخدونى مش فارقه ودونى اى مكان

وقفت حال الناس ورضيت فى ناس على ناس

مبقاش فى قلمى رصاص يكتب كلام أحساس

كل اللى باقى فيا بيقول بلاش تكتب

لان صوت الحق أصبح كلام وخلاص

وفى يوم مسكت القلم مش عارف اكتب أيه

وكتبت أنا أسف قالى القلم على أيه

أسف على التغير ولا على التزوير

ولا فى أيه بالظبط طبل ياسيدى للبيه

حتى الرصاص رافض إنى اكون أراجوز

خايف لااقلب قرد يرفعلى سعر الموز

ماهى دى بلدنا بصلنا كده بالظبط

وقت أما تفضح حد يبقى البعيد موكوس

وف يوم فتحت النت ودخلت عل الفيس بوك

أسمع لوجع الناس واهو ياسيدى نفك

ولقيت بقى كارثه شغلة الراى العام

هى زينه مراة عز ولا زينه بتحك

غير الشباب السيس اللى عايش فى الدور

عالصفحته كاتب انه بقى دكتور

والبنت دى شغلته والبنت دى حبته

وقلوب فى ديل جزمتة واقفين ياعينى طبور

وهو مش قابل ياحرام ولا وحده

ومفيش أكيد واحده تسحبُه من الوحِده

وسالت انا جاره عن عزلة الدكتور

قالى ده كان فران هربان من الوحده(الجيش)

شفتوش خيابه وهم أكتر من اللى انا فية

عايزنى بقى أكتب ... مش عارف أكتب أيه

أكتب على الفاسدين ولا على الخاينين ولا على الخايبين

ولا أقول أحيه.........

أحيه ماهياش عيب العيب على الافعال
والكل بقى شايف ومفيش كلام يتقال

ساكتين على حقوقكم راضين على الخيبه

ولا بقى حالنا أقوال بلا أفعال

بقلم /.....
#عمروالكاشف

» قصيدة سب الدين؛الشاعر عمرو الكاشف