سحر الاشعار
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

سحر الاشعار

الموقع الرسمى لسحر الاشعار الشاعر عمرو الكاشف
 
الرئيسيةأحدث الصورالتسجيلدخول

 

 الغابه بقلم الشاعر عمرو الكاشف

اذهب الى الأسفل 
كاتب الموضوعرسالة
Admin
Admin



المساهمات : 183
تاريخ التسجيل : 08/07/2013

الغابه بقلم الشاعر عمرو الكاشف Empty
مُساهمةموضوع: الغابه بقلم الشاعر عمرو الكاشف   الغابه بقلم الشاعر عمرو الكاشف Icon_minitimeالإثنين يوليو 08, 2013 10:58 am



هاكى حكايه يازمن وأكتب معايا

حكايه ديب وأسد وغابه وضحايا

كانت غابتنا ضلمه والهم ماليها

يهجم عليها الأسد ياكل كل مافيها

وجاموس يربى فى جسد وغزال يخاف من الحسد

يطلع عليهم أسد ويقول حاميها

وغابتنا ليلها نهارها زى ماهى

يصرخ جاموس غزلان احنا الضحيه

وحبه من الخرفان باعوا القضيه

عايشين فى كوخ من أش والديب صديقهم

فاكرين بأن الديب أصبح رفيقهم

نادى وقال ياخروف أنت وهو

احنا اللى بينا صداقه ممكن أخوه

خايفين كده من الأسد لاياكلكوا جوه

والكوخ هنا من الأش محتاج لقوه

لموا الجاموس والغابه يقفوا معانا

واجيب أنا الديابه يقفوا ورانا

تيجى الأسود تهجم ينطح جاموس

وغزال يجرى وراهم وجمال تدوس

يقفوا عن التفكير يبقوا تيوس

ويقولوا احنا حمير عاشوا الجاموس

عجبوا الجاموس الفكره ويا الجمال

قال يبقى نقعد بكره خلف التلال

تيجى الأسود تهجم يجرى الغزال

ونفذ الخطه زى الديب ماقال

وننتخب الملك ويكون منا قريب

ولا ياكل الصغار ولايرهب الغريب

ويحكمنا بالعدل ولا يعرف التخريب

واللى يغلط يحاسبه ولا ظلم ولا تعذيب

نادوا طب مين مالكنا رد الجاموس الديب

واللحظه المحسوبه جت فى عز النهار

جات الأسود تهجم قاموا جريوا الغزال

وقعوا الأسود فى الفخ وضربهم الجمال

حسوا الجميع بأمان والعين كانت قدام

نسيوا الديابه ورا قدمهم الخرفان

أدوا الامان للديب بالذمه ده أسمه كلام

الديب ده أصله حويط بالرغم أنه جبان

قام قال بصوت واطى هجموا الأسود ياخراف

والكل بقى يرجع لان الكل خاف

قاموا جريوا الخرفان ودخلوا جوه الكوخ

ووراهم الديابه والأمر بقى معروف

حدد بقى انت وهو أيه اللى بيحصل جوه

بين الخروف والديب والعقل هو القوه
الرجوع الى أعلى الصفحة اذهب الى الأسفل
https://amralkshef.yoo7.com
 
الغابه بقلم الشاعر عمرو الكاشف
الرجوع الى أعلى الصفحة 
صفحة 1 من اصل 1
 مواضيع مماثلة
-
» أبن العلوين @ الشاعر عمرو الكاشف
» امرأة حمقاء@الشاعر عمرو الكاشف
» أنا مش حر بقلم عمرو الكاشف
» طز بقلم عمرو الكاشف
» مين مع مين بقلم عمرو الكاشف

صلاحيات هذا المنتدى:لاتستطيع الرد على المواضيع في هذا المنتدى
سحر الاشعار :: الفئة الأولى :: قصائد وطنيه-
انتقل الى: