عرض خاص بقلم عمروالكاشف

مافيش حلول

موجود فلول

ولو أنت شريف وكمان نضيف

تبقى ممنوع من الدخول

شوف العروض كله موجود


موجود مشير بس كلام

ياخد أوامر ويقول تمام

صوره ونسخه من القبطان

وكمان عميل للأمريكان

تعرف هذا العرض بكام؟

بكره يبان فى سطور البيان

موجود كمان عندنا وزير

شاطر فى السرقه وكرشه كبير

وياعينى على شعبه بخيل

وفى كل سرقه يسيب دليل

ويطلع ينهق زى الحمير

وسعره رخيص وكمان جميل

يوجد لدينا أحدث موديل

بيطبل ويقول مواويل

وفى النفاق مالهوش مثيل

ولفلوسنا يكبش ويشيل

وعلى سويسرا فرع التحويل

ومليارات تردم النيل

وهذا العرض مالهوش مثيل

إنما لو جاى تاخد فكره

يبقى تعدى علينا بكره

جايه بضاعه طازه بطازه

فيها حماصه حرامى الفازه

وفيها كمان حبه قناصه

فيها مشير ومعلى الطاسه

فيها كمان جوز الرقاصه

وفيها شباب على بلده يغير

والعسكر رافض التغيير

وفيها كمال
وفيها مشير
وفيها نجيب
وفيها زويل

وفيها الفقى أبو دم تقيل

لو مش عاجبك هذا العرض

لينا فروعنا فى التحرير