Admin Admin
المساهمات : 183 تاريخ التسجيل : 08/07/2013
| موضوع: مين مع مين بقلم عمرو الكاشف الإثنين يوليو 08, 2013 9:15 am | |
| مين مع مين
لازم نفهم لازم نعرف
ولا احنا مش مصرين
ده حقنا واحنا مصرين
اننا نعرف مين مع مين
فينا بيموتو ومش فاهمين
وفينا اقتله محترفين
وفينا حزن دام لسنين
وفينا ام وفينا اب
مش عارفين ابنهم فين
ولينا اهل فى بورسعيد
مش عارفين ليه متهمين
وفينا حبه مدبرين
وعقولهم زى الشياطين
فى الظاهر هما مساجين
وعلى الشاشات حبه مساكين
بينادو ياناس مظلومين
من الباطل هما ملاعين
وللمكايد مدبرين
وللشيطان هما مرافقين
ولعو فى عروسه النيل
ومفيش عليهم اى دليل
مين الخاين
ومين امين
والله حقيقى مش فاهمين
العسكر هما الحامين
ولا الجيش هما الملاعين
والوزراء ودن من طين
والمشير ودن من عجين
انتو حقيقى معانا احنا
ولاانتا مع التانين
ولو انتو معانا احنا
يبقى اكيد احنا التانين
نفسنا نفهم نفسنا نعرف
بس لثانيه مين مع مين
| |
|