أيه لزمتك بقلم عمرو الكاشف

Admin المساهمات : 183 تاريخ التسجيل : 08/07/2013

ممكن تقول أيه فايدتك

لما احنا بنموت كل يوم

لما الهموم هى الهموم

تبقى الدموع حضنه الجفون

ونارنا هى جنتك

عرفنا ايه بقى لزمتك

اما السياده لسيدك

والخير بيجى لعزوتك

وبلادنا تحت جزمتك

كدنا حالنا عاجب حضرتك

خلينا حبه نفكرك

بشخص كان بيقدرك بيسخرك

زى العبيد

اما انتا تسمع اسم حزبك من لسانه

كان يبقى عيد

كانت كلابه تهبشك وتسبتك

وانتا سعيد

ممكن تقول أيه الجديد

سبتونا عايشين حلم نهضه

لما لبسنا فى باب حديد

رب العباد قال فى الكتاب

أدخلوها أمنين

بس السؤال يوم الحساب

هتسال قتلت مين

سرقت ليه وسحلت مين

ساعتها أصبح سيدك وعزوته

فى نار جحيم

وانتا طبعا من صحبته داخلها داخل باليمين

قولى حقيقى أيه سلطتك هو أنتا مندوب عزرئيل

وصحبنا ده اللى فى عزوتك

رايح يجبلنا اسرائيل

حتى ياعمى سيدك ناوى يبعلنا نهر النيل

نصيحه منى لحضرتك ترحمنا بقى

من طلعتك

الا حالتنا فى نهضتك
ضاقت أوى شوف الدليل

» مصر نادت بقلم عمرو الكاشف
» مين مع مين بقلم عمرو الكاشف
» أنا مش حر بقلم عمرو الكاشف
» طز بقلم عمرو الكاشف
» كعبله بقلم عمرو الكاشف