أعتراضى بقلم عمرو الكاشف

Admin المساهمات : 183 تاريخ التسجيل : 08/07/2013

أعتراضى على السياده

والسياده للقانون

أعتراضى عالسعاده

نفسى أشوفها لو ليوم

أعتراضى على الفلول والنسور والدستور

أصبح الآن أعتراضى وأعتراضك بين سطور

بين مواد كاتبه علينا

أننا لآزم نغور

منها ونسبها لجنابهم

نفسهم نفس الفلول

يعنى قول كلاكيت تانى

الشعب هيرجع يثور

××××××××××××××

يخدو منا حبه هما

وأحنا ناخد حبتين

بس المره دى هنخسر

أصلنا متشتتين

بين عقيده أو فريضه

أو عصابه نشالين

بين غيلان فينا بتاكل

بين ولاد ابو أسماعيل

بين تراب غالى علينا

نفسه يصرخ من سنين

أوعو تنسو أنتو منى

وأحنا بردو مطنشين

شكلها رايحه لسوريا

وأهى تبقى سنه وعلوين

×××××××××××××××××××××

يعنى حزب الله يمينك

وفشمالك أسرائيل

أما تبقى شيعى مثلا

أو يهودى أو عميل

حبه ياخده الآهرمات

وحبه يخدو منا النيل

يعنى هما قسموها

وأحنا لسه....مذلولين

مظلومين

متهانين

هما عاشو وخربو فيها

وأحنا بردو ميتين

تعمل أيه أنتا وكتابتك

فى شباب متنبلين

قالو جنتنا فى أيديهم

وأحنا لسه مصدقين

خليكُ ماشين وراهم

بكره تبقى نار جحيم

على اللى قالها ليكم أنتم

أنهم مالصالحين

حطو فى ودنكو ودمغكو

أننا مالشياطين

كافرين

ملحدين

ملعونين فى كل دين

أحنا لو بالشكل دوه

ليه ماقتلوناش من سنين

لو كنا عاصين الهنا

ليه مارموناش بالسجون

هما غلطو الف مره

وأنتم خيبتُ الظنون

فرطتُ فى طين بلدكو

جبتولنا أحنا الجنون

××××××××××××××××××××

يعنى صوتى وصوت أخويا

أصبح بالنسبلكو عادى

بيع فى أرضى ولا عيرضى

المهم تبقى راضى

ضاع ميزان العدل بينا

كل واحد فينا قاضى

من هنا يكتب تاريخى

أنى سجلت أعتراضى

» أنا مش حر بقلم عمرو الكاشف
» طز بقلم عمرو الكاشف
» مين مع مين بقلم عمرو الكاشف
» مصر نادت بقلم عمرو الكاشف
» الشرعيه بقلم عمرو الكاشف