Admin Admin
المساهمات : 183 تاريخ التسجيل : 08/07/2013
| موضوع: سيبك أنتا بقلم عمرو الكاشف الإثنين يوليو 08, 2013 8:32 am | |
| سيبك انتا من الكلام
سيبك انتا من الحديث
قولى كلمة حق تطلع
انتا شايف نفسك رئيس
سيب كلام كل المعارضه
وحط راسك واستغطى
ده اللى ذاد واللى غطا
ان ابنك راح فطيس
عد كام واحد شهيد
من رجالك او رجالهم
جبلى ام وحده فى عيد
ما دعت عاللى قتلهم
لو كانو فى نظرك عبيد
مايستحقو اللى جرللهم
أيه اللى صبنا وايه اللى نبهم
يابلادى يابهيه
أفتحى ام الهويس
كلنا بعنا القضيه
والضحيه طلع عتريس
غرقى اليوم جيش فوئاده
اللى كان واعى وحريص
خلصى علينا بايديكى
قبل مايبعنا لخسيس
دمنا غالى عليكى
عندهم دمى رخيص
أعدلى لو حتى مره
اللى بره مش حسيس
نفسه يقتلنى الف مره
لجل مايفرح ابليس
انتا مش شايف جانبك
يأسنا
طب ايه اللى جابك
كونت قبل كام سنه
فوق الكتاف ايه الصابك
غيرو فكرك وعقلك
لجل ماترضى السياده
هما ظهرو علالشاشات
مثلو دور الاسود
هى مش ملك لابوهم
لجل مايخلوها غابه
واحنا مش هايبين كلامهم
مهما كنا احنا غلابه
أقفل الستاره بدرى
قبل مايجيبو الديابه
قولهم خلصنا فركش
شعب مصر واعى وحريص
والنهارده هعلى صوتى
انا مش هكون عليه رئيس
| |
|